DOI: 10.36719/AEM/2007-2019/47/105-107

Sumqayıt şəhər 10№-li peşə liseyi

Yetişən gənc nəslin düzgün tərbiyə olunması, mühüm pedaqoji problem olmaqla bərabər, həm də cəmiyyətin, dövlətin prioritet məsələlərindən biridir. Çünki cəmiyyətin inkişafı, onun parlaq gələcəyi bir çox cəhətdən yetişən nəslin tərbiyəsindən  asılıdır.

Xalqımızın ümummilli lideri Heydər Əliyevin bütün həyatı və fəaliyyəti nəsillərə nümunə olmaqla yanaşı, ideal ailə başçısı kimi göstərdiyi örnək də misilsizdir. Onun ailə dəyər­lərinə verdiyi qiymət həmişə hörmətlə xatırlanır və xatır­lanacaqdır. Cəmiyyəti yaşadan və onun varlığını sübut edən ailə meyarlarına ulu öndərin öz münasibəti, öz yanaşması olmuş­dur.  Heydər Əliyev həm də öz ailəsinə göstərdiyi qayğı və diq­qətlə seçilmiş, milli-mənəvi dəyərlərimizin qarantı kimi ailənin müqəddəsliyinə daim böyük önəm vermişdir.